अळूची पातळ भाजी (Aluchi bhaji)

  • Post by Priyanka
  • Dec 10, 2019
  • Share on Facebook Share on Twitter Share on WhatsApp
post-thumb
English
Marathi

अळूची पातळ भाजी

साहित्य:
  • अळूची ४-५ पाने,
  • ४-५ लसूण पाकळ्या,
  • १ टेबलस्पून भिजवलेली हरभरा डाळ,
  • पाव वाटी सुक्या खोबऱ्याचे पातळ काप,
  • १ टेबलस्पून भिजवलेले शेंगदाणे,
  • एका बारीक लिंबाएवढी चिंच व त्याहून किंचित जास्त गूळ,
  • अर्धा टीस्पून तिखट,
  • २ टेबलस्पून बेसन,
  • चवीनुसार मीठ,
  • फोडणीसाठी २ चमचे तेल, मोहरी, जिरे, हिंग, हळद.
कृती:
  • अळूची पाने स्वच्छ धुवून बारीक चिरून घेणे.
  • अळूची पाने चिरताना देठांची साले काढून मग चिरणे.
  • फोडणी करून त्यात लसूण व सुक्या खोबऱ्याचे काप टाकावे व २ मिनिटे परतावे.
  • मग चिरलेली अळूची पाने, हरभरा डाळ, व शेंगदाणे टाकावे.
  • मग त्यात पाव वाटी पाणी घालून झाकण ठेवून भाजी ५-७ मिनिटे शिजवावी.
  • नंतर त्यात चिंचेचा कोळ, गूळ, मीठ, तिखट व बेसन घालून व्यवस्थित हलवावे.
  • मग त्यात १ ते दीड ग्लास पाणी घालून ७-८ वाफा काढाव्यात.