आवळ्याचे लोणचे (Awalyache Lonche - Pickle)

  • Post by Priyanka
  • Dec 12, 2019
  • Share on Facebook Share on Twitter Share on WhatsApp
post-thumb
English
Marathi

आवळ्याचे लोणचे

साहित्य:
  • पाव किलो आवळे (साधारणपणे ९-१० येतात),
  • ४ टेबलस्पून मीठ,
  • ३ टीस्पून मोहरी,
  • २ टीस्पून तळलेले मेथीदाणे,
  • २ टीस्पून तिखट,
  • फोडणीसाठी ४ चमचे तेल,
  • १ टीस्पून हिंग,
  • १ टीस्पून हळद.
कृती:
  • आवळे स्वच्छ धुवून पुसून एका भांड्यात घालून कूकर मध्ये उकडून घ्यावे.
  • साधारणपणे ३-४ शिट्ट्या काढणे.
  • आवळे उकडताना भांड्यात पाणी घालू नये, फक्त कूकरच्या तळाशी पाणी घालणे.
  • कूकर मुरल्यावर आवळे बाहेर काढून एका ताटात घेऊन, त्यातल्या बियाकाढून टाकून, वाफ निघून जाण्याकरिता पसरून ताटात एखादा तास ठेवावे.
  • मिक्सर मध्ये २ चमचे मीठ, तळलेली मेथी व अडीच चमचे मोहरी बारीक करून घेणे.
  • एका छोट्या कढईत ४ चमचे तेल घेऊन त्यात अर्धा चमचा मोहरी, अर्धा चमचा हिंग, व अर्धा चमचा हळद टाकून फोडणी करावी व फोडणी गार करून घ्यावी.
  • मग वाफवलेल्या आवळ्याच्या फोडींमध्ये २ चमचे मीठ, २ चमचे तिखट, अर्धा चमचा हळद, अर्धा चमचा हिंग, व मिक्सरमध्ये बारीक केलेला मसाला घालून नीट हलवून घ्यावे.
  • हे सर्व कोरड्या बरणीमध्ये दाबून भरून, वरून गार झालेली फोडणी घालून दादरा बांधून बरणी ठेवून द्यावी.

टीप: लोणचे नीट राहण्यासाठी सुरुवातीला, दर १-२ दिवसांनी हलवून नीट दाबून ठेवावे.