भगर व दाण्याची आमटी (Bhagar and Groundnut amti)

  • Post by Priyanka [ Follow me on Instagram ]
  • Jan 07, 2020
  • Share on Facebook Share on Twitter Share on WhatsApp
post-thumb
English
Marathi

भगर व दाण्याची आमटी

साहित्य: (२ जणांसाठी)

भगर:

  • १ वाटी भगर (वरईचे तांदूळ)
  • २ मध्यम आकाराचे बटाटे किसून
  • २ चमचे साजूक तूप
  • पाव टीस्पून मीठ (चवीनुसार)

दाण्याची आमटी:

  • पाव वाटी भाजलेले शेंगदाणे (सालासकट)
  • १ चमचा साजूक तूप
  • अर्धा टीस्पून जिरेपूड
  • १ छोटी मिरची
  • इंचभर आल्याचा तुकडा
  • ३-४ आमसुले
  • पाव टीस्पून मीठ
  • १ टीस्पून किसलेला गूळ
कृती:

भगर :

  • भगर निवडून, बारीक चाळणीमध्ये घेऊन स्वच्छ धुवून निथळत ठेवावी.
  • एका कढईमध्ये तूप घेऊन ते गरम झाले कि त्यामध्ये किसलेला बटाटा व भगर टाकून २-३ मिनिटे परतून घ्यावे.
  • मग त्यामध्ये अडीच ग्लास पाणी व मीठ टाकावे.
  • भगर झाकण ठेवून मध्यम आचेवर १० ते १५ मिनिटे शिजवावी. भगर शिजताना मधून मधून हलवत राहावे.

दाण्याची आमटी:

  • आले, मिरची, मीठ व शेंगदाणे मिक्सर मधून बारीक फिरवून त्याची पेस्ट करून घ्यावी.
  • एका पातेल्यात तूप टाकून ,ते गरम झाले कि जिरेपूड व वरील पेस्ट टाकून १ मिनिट परतून घ्यावे.
  • मग त्यामध्ये २ ग्लास पाणी टाकावे.
  • नंतर त्यामध्ये आमसूल व गूळ टाकून, झाकण ठेवून ७-८ मिनिटे आमटी चंगली शिजवावी.