कुकर केक प्रकार १ (Cooker Cake - Type 1)

  • Post by Priyanka
  • Jun 01, 2020
  • Share on Facebook Share on Twitter Share on WhatsApp
post-thumb
English
Marathi

केक - प्रकार 1

साहित्य:
  • सव्वा वाटी मैदा
  • अर्धी वाटी साखर
  • अर्धी वाटी साजूक तूप
  • पाऊण वाटी दूध
  • १ टीस्पून बेकिंग पावडर
  • पाव टीस्पून बेकिंग सोडा
  • १० ग्रॅम कॅडबरी हॉट चॉकलेट पावडर
कृती:
  • कुकर रिंग व शिट्टी काढून बारीक गॅस वर गरम करत ठेवावा. तसेच कुकर मध्ये खाली एक भांडे पालथे ठेवावे.
  • साखर मिक्सरमधून फिरवून बारीक करून घ्या.
  • तूप गरम करून, थोडे कोमट झाले कि त्यामध्ये बारीक केलेली साखर घालून छान फेटून घ्यावे.
  • मिश्रण छान एकजीव होऊन थोडे घट्ट होऊ लागले कि पाव वाटी दूध घालून पुन्हा चांगले फेटून घ्यावे.
  • मग त्यामध्ये मैदा, बेकिंग पावडर बेकिंग सोडा चमच्याने एकत्र करून, बारीक चाळणीने चाळून घालावा.
  • हे सर्व एकजीव होईपर्यंत नीट हलवावे.
  • मग त्यामध्ये पाव वाटी दूध घालून परत मिश्रण एकजीव होईपर्यंत हलवावे.
  • खूप जोरात आणि जास्त फेटू नये, असे केल्यास केक हलका होत नाही.
  • मग ह्या मिश्रणाचे दोन भाग करून एका भागामध्ये हॉट चॉकलेट पावडर व २-३ चमचे दूध टाकून नीट मिक्स करून घ्यावे.
  • केक च्या भांड्याला तुपाचा हात लावून, त्यावर मैदा भुरभुरावा.
  • मग त्यामध्ये केकचे दोन्ही प्रकारचे मिश्रण एक-एक चमचा टाकत, भांड्यावर टिचकी मारत मारत पॅटर्न तयार करावा.
  • मग भांडे कुकर मध्ये ठेवून, बारीक फ्लेमवर केक ४०-४५ मिनिटे बेक करावा.