दुधी भोपळ्याची भाजी (Dudhi Bhopla bhaji)

  • Post by Priyanka
  • Dec 17, 2019
  • Share on Facebook Share on Twitter Share on WhatsApp
post-thumb
English
Marathi

दुधी भोपळ्याची भाजी

साहित्य:
  • पाव किलो दुधी भोपळा,
  • अर्धी वाटी भिजवलेली मूगडाळ,
  • ४-५ लसूणपाकळ्या,
  • ७-८ कढीपत्त्याची पाने,
  • १ तिखट मिरची,
  • चवीनुसार मीठ,
  • बारीक चिरलेली कोथिंबीर,
  • फोडणीसाठी २ चमचे तेल, मोहरी, जिरे, हिंग.
कृती:
  • दुधी भोपळ्याची साल काढून चौकोनी फोडी करून घ्याव्यात.
  • कढईमधे तेल गरम करून त्यात मोहरी, जिरे, हिंग घालून फोडणी करून घ्यावी.
  • मग त्यात लसणाचे तुकडे घालून गुलाबी होईपर्यंत परतावे.
  • मग त्यात मिरचीचे तुकडे कढीपत्ता व दुधीभोपळ्याच्या फोडी टाकून नीट हलवावे.
  • नंतर त्यात मूगडाळ, मीठ व पाव वाटी पाणी घालून झाकण ठेवून भाजी १५ मिनिटे शिजवणे.
  • नंतर गॅस बंद करून चरलेली कोथिंबीर टाकावी.

टीप: शिजवताना भाजी मधून मधून हलवावी. तसेच दुधीभोपळ्याच्या फोडी शिजून फारच मऊ होणार नाहीत ह्याची काळजी घ्यावी.