अंडा करी (Egg Curry)

  • Post by Priyanka [ Follow me on Instagram ]
  • Aug 05, 2020
  • Share on Facebook Share on Twitter Share on WhatsApp
post-thumb
English
Marathi

अंडा करी (२ जणांसाठी)

साहित्य:
  • ४ उकडून सोललेली अंडी
  • ३ मध्यम आकाराचे टोमॅटो
  • २ मध्यम आकाराचे कांदे
  • २ टीस्पून आले लसूण पेस्ट
  • अर्धा टीस्पून तिखट (चवीनुसार कमी-जास्त करू शकता)
  • १ टीस्पून धनेपूड
  • अर्धा टीस्पून जिरेपूड
  • १ टीस्पून गरम मसाला
  • अर्धा टीस्पून हळद
  • अर्धा टीस्पून मीठ (चवीनुसार कमी-जास्त करू शकता)
  • ३ चमचे तेल
  • कोथिंबीर सजावटीसाठी
कृती:
  • एका उथळ कढईमध्ये १ चमचा तेल घेऊन त्यामध्ये पाव चमचा हळद व चिमूटभर तिखट टाकावे.
  • उकडलेली अंडी सोलून त्यांना काट्याने ठिकठिकाणी छिद्रे पडून घ्यावीत.
  • मग त्यामध्ये सोललेली अंडी टाकून चांगली तांबूस होईपर्यंत सर्व बाजूंनी शॅलो फ्राय करून घ्यावीत.
  • मग त्याच कढईमध्ये अजून २ चमचे टाकून ते तापले कि बारीक चिरलेला कांदा टाकावा.
  • कांदा गुलाबी होऊन मऊ झाला कि त्यामध्ये आले लसूण पेस्ट टाकून २-३ मिनिटे परतून घ्यावे.
  • मग त्यामध्ये बारीक चिरलेला टोमॅटो टाकून, झाकण ठेवून टोमॅटो एकदम मऊ होईपर्यंत शिजवावे.
  • मग त्यामध्ये तिखट, मीठ, गरम मसाला, धने-जिरे पूड, हळद टाकून नीट मिक्स करून अजून ३-४ मिनिटे परतावे.
  • मग त्यामध्ये परतलेली अंडी टाकून २-३ मिनिटे परतावे.
  • नंतर दीड ग्लास पाणी टाकून मंद आचेवर भाजी झाकण ठेवून १५-२० मिनिटे शिजवावी.
  • भाजी शिजवताना मधून मधून हलवत राहावे.
  • मग गॅस बंद करून वरून बारीक चिरलेली कोथिंबीर घालून भाजी सजवावी.
  • हि अंडा करी खूप कमी साहित्यामध्ये तयार होते आणि खूप चविष्टही लागते.