Recipe coming soon in English… Please watch this space.
गुळाची पोळी
साहित्य:
- २ वाट्या बारीक चिरलेला गूळ
- दीड वाटी तीळ
- ५-६ वेलदोडे
- १ टेबलस्पून बेसन
- १ टीस्पून खसखस
- बेसन भिजेल इतके तूप
- ४ वाट्या कणिक
- १ चमचा तेल
- पाव टीस्पून मीठ
- १ टेबलस्पून तांदळाची पिठी
कृती:
- तीळ गुलाबीसर भाजून त्याचे बारीक कूट करून घ्यावे.
- मग त्यामध्ये बारीक चिरलेला गूळ घालून, मिक्सरमधून फिरवून एकजीव करून घ्यावे.
- एका कढईमध्ये बेसन भिजेल इतके तूप घालून, त्यामध्ये बेसन घालून मंद आचेवर गुलाबीसर भाजून घ्यावे.
- मग भाजलेले बेसन, तीळ व गुळाच्या मिश्रणात घालावे.
- वरून वेलदोड्याची पूड घालावी.
- तसेच खसखस भाजून घालावी.
- मग हाताने हे मिश्रण चांगले मळून घ्यावे.
- परातीमध्ये कणिक घेऊन, त्यामध्ये तांदळाची पिठी व मीठ टाकावे.
- मग एक चमचा तेल गरम करून घालावे.
- आणि सर्व एकत्र करून, घट्ट कणिक मळून अर्धा तास झाकून ठेवावी.
- अर्ध्या तासाने, तांदळाची पिठी लावून हलक्या हाताने पोळ्या लाटाव्यात.
- पोळ्या करताना आलू पराठा करतो तसे गुळाचे सारण आत भरून पोळी करावी.
- नॉनस्टिक किंवा बिडाच्या तव्यावर दोन्ही बाजूंनी पोळी खरपूस भाजावी.
- व गार झाल्यावर भरपूर तुपाबरोबर खावी.
- ह्या साहित्यामध्ये साधारणपणे ९-१० पोळ्या होतील.