English

Marathi

हापूस आंब्याचा भात

साहित्य:

• १ वाटी बासमती तांदूळ,
• १ वाटी साखर (तांदुळापेक्षा किंचित कमी),
• १ हापूस आंबा,
• वेलची पूड,
• बदामाचे तुकडे,
• १ चमचा साजूक तूप,
• ४ लवंगा,
• पाव टीस्पून मीठ.

कृती:

• १ वाटी तांदळाला २ वाट्या पाणी व पाव टीस्पून मीठ घालून भात शिजवून घ्यावा.
• भात गार व मोकळा करून घ्यावा.
• तुपावर लवंगा परतून घेऊन साखर घालावी व एकसारखे हलवत राहावे.
• साखरेला थोडे पाणी सुटू लागले कि मग त्यात आंब्याचा रस घालावा व मिश्रण नीट एकजीव करून घ्यावे.
• मग त्यामध्ये शिजवलेला भात घालून ८-१० वाफा काढाव्यात.
• भात नीट कोरडा झाला कि मग गॅस बंद करून बदामाचे पातळ काप व वेलची पूड टाकावी.

नारळीभात: नारळीभात

तवा पुलाव: तवा पुलाव