मशरूम्स सिमला मिरची स्वीटकॉर्न मसाला (Mushroom Capsicum Corn Masala)

  • Post by Priyanka
  • May 28, 2020
  • Share on Facebook Share on Twitter Share on WhatsApp
post-thumb
English
Marathi

मशरूम्स सिमला मिरची स्वीटकॉर्न मसाला

साहित्य:
  • १०० ग्रॅम बटण मशरूम्स
  • १ मध्यम आकाराची सिमला मिरची
  • १०० ग्रॅम उकडलेले स्वीटकॉर्नचे दाणे
  • २ मध्यम आकाराचे कांदे
  • २ मध्यम आकाराचे टोमॅटो
  • ३-४ लसूणपाकळ्या
  • ८-१० काजू
  • अर्धा टीस्पून तिखट
  • पाव टीस्पून हळद
  • अर्धा टीस्पून साखर
  • १ टीस्पून मीठ
  • २ तमालपत्रे
  • ३ चमचे तेल
  • मसाला : २ टीस्पून जिरे, ३-४ दालचिनीचे तुकडे, १ चक्रीफूल
कृती:
  • मशरूम स्वच्छ धुवून, त्याचे खालचे थोडे देठ कापून निथळत चाळणीमध्ये ठेवावे.
  • जिरे, चक्रीफूल, दालचिनी मिक्सरमधून फिरवून त्याची बारीक पूड करून घ्यावी. हा भाजीचा मसाला आहे.
  • कढई मध्ये दीड चमचा तेल घेऊन ते तापले कि त्यामध्ये १ कांदा टाकून गुलाबी परतावा.
  • मग त्यामध्ये टोमॅटो, काजू, लसूणपाकळ्या, तिखट, हळद, मीठ, साखर टाकून, टोमॅटोला पाणी सुटेपर्यंत झाकण ठेवून शिजवावे.
  • हे गार झाले कि मिक्सर मधून एकदम बारीक पेस्ट करून घ्यावी.
  • १ कांदा व सिमला मिरचीचे चौकोनी मोठे तुकडे करून घ्यावे.
  • एका कढईमध्ये दीड चमचा तेल गरम करून त्यात तमालपत्र टाकावे.
  • मग त्यात चौकोनी चिरलेला कांदा टाकून २-३ मिनिटे फ्राय करावे.
  • मग त्यामध्ये सिमला मिरची, कॉर्न टाकून २-३ मिनिटे परतावे.
  • मग त्यामध्ये मशरूम आणि मसाला टाकून २ मिनिटे परतावे.
  • नंतर त्यामध्ये कांदा-टोमॅटोची पेस्ट टाकावी.
  • मग १ ते दीड वाटी पाणी घालून १०-१५ मिनिटे झाकण ठेवून शिजवावे.