परवलाची भाजी (Parwal bhaji)

  • Post by Priyanka [ Follow me on Instagram ]
  • Dec 21, 2019
  • Share on Facebook Share on Twitter Share on WhatsApp
post-thumb
English
Marathi

परवलाची भाजी

साहित्य:
  • पाव किलो परवल,
  • १ मध्यम आकाराचा बटाटा,
  • १ टीस्पून धने पूड,
  • अर्धा टीस्पून जिरे पूड,
  • अर्धा टीस्पून आमचूर पावडर,
  • अर्धा टीस्पून साखर,
  • थोडीशी कोथिंबीर,
  • पाव टीस्पून तिखट,
  • चवीप्रमाणे मीठ,
  • फोडणीसाठी २ चमचे तेल, मोहरी, जिरे, हिंग, हळद.
कृती:
  • परवल स्वच्छ धुऊन त्याची वरची साले सुरीने खरवडून घ्यावी.
  • आणि परवलाचे पातळ उभे काप करून घ्यावे.
  • तशाच प्रकारे बटाटा साले काढून उभा चिरून घ्यावा.
  • तेल गरम करून त्यात मोहरी, जिरे, हिंग, हळद टाकून फोडणी करून घ्यावी.
  • मग त्यामध्ये चिरलेला बटाटा घालून तिखट व मीठ घालावे, आणि गॅस मोठा करून २-४ मिनिटे परतावे.
  • त्यानंतर त्यामध्ये चिरलेले परवल घालून झाकण ठेवून ५ मिनिटे शिजवावे.
  • मग त्यात आमचूर पावडर, धने पावडर, जिरे पावडर, साखर घालून किंचित पाणी शिंपडावे.
  • आणि भाजी छान खरपूस होईपर्यंत १५ ते २० मिनिटे शिजवावी.
  • मधून मधून भाजीला सतत हलवत राहावे.
  • नंतर गॅस बंद करून चिरलेली कोथिंबीर घालून भाजी सर्व करावी.