• १/४ वाटी साजूक तूप
• १ १/२ वाटी कणिक
• १ वाटी बारीक चिरलेला खजूर
• ३/४ वाटी खवा
• १ वाटी बारीक चिरलेला गूळ
• बदामाचे काप
• विलायची पूड

• कढईमध्ये तूप घेऊन त्यात कणिक गुलाबी भाजून घ्यावी.
• मग त्यात खावा टाकून ५ मिनिटे एकजीव होईपर्यंत परतावे.
• त्यानंतर त्यामध्ये चिरलेला खजूर घालून अजून ५ मिनिटे परतून घ्यावे.
• एका पातेल्यामध्ये सव्वा वाटी पाणी घेऊन ते उकळावे व त्यात चिरलेला गूळ विरघळवून घ्यावा.
• मग हे गुळाचे पाणी कढईमधील मिश्रणात टाकून नीट हलवून घ्यावे व ५-६ वाफा काढाव्यात.
• नंतर गॅस बंद करून बदामाचे काप व विलायची पूड टाकून नीट हलवून घ्यावे.

टीप: खजूर नीट साफ करून धुवून घेऊन मग चिरावा. हा शिरा अतिशय पौष्टिक असून ह्यातून भरपूर लोह मिळते.