Cauliflower Curry - Type 1 - फ्लॉवरची भाजी - प्रकार १

Publish Date: 2020-02-03 By: Priyanka

prep time 10 mins

cook time 30 mins

total servings 3 people

Cauliflower Curry - Type 1 - फ्लॉवरची भाजी - प्रकार १

साहित्य

२५० ग्रॅम कॉलीफ्लॉवरचे तुरे
१/४ वाटी मटारदाणे
१/४ टीस्पून आले-लसूण पेस्ट
१ मध्यम कांदा बारीक चिरून
चवीनुसार मीठ
थोडी बारीक चिरलेली कोथिंबीर
फोडणीसाठी: २ चमचे तेल, १/४ टीस्पून मोहरी, १/४ टीस्पून हळद, कडीपत्ता
मसाला : १ सुकी लाल मिरची, ३ लवंगा, ३-४ मध्यम आकाराचे दालचिनीचे तुकडे, १/४ टीस्पून बडीशोप, १/४ टीस्पून जिरे, १/४ टीस्पून मिरे

कृती

फ्लॉवरचे तुरे स्वच्छ धुवून घेऊन, १ टीस्पून मीठ टाकून पाण्यामध्ये २-३ मिनिटे उकळून घ्यावे
एका कढईमधे जिरे, बडीशोप, सुकी मिरची, दालचिनी, लवंग, मिरे घेऊन, ५ मिनिटे सुके भाजून घ्यावे. व त्याची मिक्सर मधून पूड करून घ्यावी.
मग कढईमधे तेल घेऊन त्यात मोहरी टाकावी.
मोहरी छान तडतडली कि मग आले लसूण पेस्ट, कडीपत्ता व कांदा टाकून, कांदा गुलाबी होईपर्यंत परतावे.
मग त्यामध्ये हळद, फ्लॉवरचे तुरे, मटार टाकून नीट हलवून घ्यावे.
मग त्यात पाव वाटी पाणी घालून झाकण ठेवून ५ मिनिटे शिजवावे.
नंतर त्यात वर तयार केलेला मसाला घालून नीट हलवून, परत ५ मिनिटे झाकण ठेवून शिजवावे.
मग गॅस बंद करून, बारीक चिरलेली कोथिंबीर घालून गरम गरम भाजी फुलका व चपाती बरोबर खायला घ्यावी.

साहित्य

कृती

Comments on this Page

Please share your comment on the post