• १८-२० मध्यम आकाराच्या शिळ्या इडली
• ३ चमचे तेल
• चिमूटभर मिरपूड
• १ मध्यम मिरची बारीक चिरून
• ४-५ मोठ्या लसूण पाकळ्या बरीक चिरून
• इंचभर आल्याचा तुकडा बारीक चिरून
• १ टीस्पून सोया सॉस
• १ मध्यम कांदा चौकोनी तुकडे करून
• १ छोटे गाजर उभे चिरून
• १ छोटी सिमला मिरची उभी चिरून
• १ मध्यम टोमॅटो उभा चिरून
• १ टीस्पून मीठ

• इडलीचे उभे काप करून दीड चमचा तेल टाकून तव्यावर सोनेरी होईपर्यंत शॉलो फ्राय करून घ्यावेत.
• मग नॉनस्टिक कढई मध्ये दीड चमचा तेल टाकून, ते गरम झाले कि चिमूटभर मिरपूड टाकावी.
• मग गॅस ची फ्लेम मोठी करून कांदा, लसूण, मिरची, आले टाकून दोन मिनिटे परतून घ्यावे.
• नंतर त्यात टोमॅटो, मीठ टाकून २ मिनिटे परतावे.
• नंतर त्यात गाजर, सिमला मिरची टाकून २ मिनिटे परतावे.
• मग त्यामध्ये सोया सॉस टाकून चांगले मिक्स करावे व शॉलो फ्राय केलेल्या इडली टाकून ५-७ मिनिटे लो फ्लेम वर परतावे.

टीप: सर्व भाज्या हाय फ्लेम वर झाकण न ठेवता परताव्या, म्हणजे छान क्रंची लागतात.