सोया चंक्स मसाला (Soya Chunks Masala)

  • Post by Priyanka
  • Jun 02, 2020
  • Share on Facebook Share on Twitter Share on WhatsApp
post-thumb
English
Marathi

सोया चंक्स मसाला

साहित्य:
  • ५० ग्रॅम सोया चंक्स
  • २ मोठे टोमॅटो
  • २ मध्यम आकाराचे कांदे
  • १ इंच आल्याचा तुकडा
  • ३-४ लसूणपाकळ्या
  • अर्धा टीस्पून तिखट
  • पाव टीस्पून हळद
  • १ टीस्पून जिरेपूड
  • १ टीस्पून धनेपूड
  • १ टीस्पून किचन किंग मसाला
  • १ टीस्पून मीठ
  • अर्धा टीस्पून साखर
  • २ चमचे तेल
  • कोथिंबीर (सजावटीसाठी)
कृती:
  • सोया चंक्स नीट बुडतील एवढे पाणी घेऊन त्यामध्ये, अर्धा टीस्पून मीठ टाकून ते पाणी उकळायला ठेवावे.
  • पाण्याला उकळी आली कि, त्यामध्ये सोया चंक्स टाकून झाकण ठेवून ५ मिनिटे शिजवावे.
  • सोया चंक्स चांगले फुगून येतील. मग एका चाळणीमध्ये सोया चंक्स काढून निथळायला ठेवावे.
  • सोया चंक्स पिळू नयेत.
  • २ टोमॅटो, १ कांदा, आले व लसूण मिक्सरमधून फिरवून बारीक पेस्ट करून घ्यावे.
  • एका कांद्याचे उभे पातळ बारीक काप करून घ्यावेत.
  • मग एका कढईमध्ये २ चमचे तेल टाकून, ते गरम झाले कि कांद्याचे उभे काप तळून काढावेत.
  • मग त्याच तेलामध्ये कांदा-टोमॅटोची पेस्ट घालून छान तेल सुटेपर्यंत परतून घ्यावी.
  • मग त्यामध्ये तिखट, मीठ, हळद, साखर, धणेपूड, जिरेपूड, किचन किंग मसाला, तळलेला कांदा, सोया चंक्स टाकून नीट हलवून घ्यावे.
  • नंतर त्यामध्ये पाऊण वाटी पाणी घालून झाकण ठेवून १० मिनिटे शिजवावे.
  • मग गॅस बंद करून कोथिंबीर घालून सजवावे.