स्पॉंज डोसा (Sponge Dosa)

  • Post by Priyanka [ Follow me on Instagram ]
  • Jun 21, 2020
  • Share on Facebook Share on Twitter Share on WhatsApp
post-thumb
English
Marathi

स्पॉंज डोसा

साहित्य:
  • २ वाटी तांदूळ
  • पाऊण वाटी उडीद डाळ
  • पाव वाटी जाड पोहे
  • पाव वाटी साबुदाणा
  • अर्धा टीस्पून मेथीदाणे
  • २ टीस्पून मीठ
  • तेल
कृती:
  • तांदूळ, उडीद डाळ, जाड पोहे, साबुदाणा, मेथीदाणे हे सर्व पदार्थ एका पातेल्यात घेऊन, स्वच्छ धुवून घ्यावेत.
  • मग त्यामध्ये हे सर्व बुडून वर एक इंच इतके पाणी घालून, किमान ६ तास भिजवावे.
  • ६ तासांनंतर, हे सर्व मिक्सर मधून बारीक फिरवून घ्यावे. बारीक करताना जास्त पाणी घालू नये.
  • मग हे मिश्रण ८ तास आंबण्यासाठी झाकून उबदार जागेत ठेवावे.
  • मिश्रण थोडेसे आंबट लागू लागले व फुगून वर आले कि लगेच फ्रिजमध्ये ठेवावे.
  • डोसे करायच्या वेळेस पिठामध्ये चवीनुसार मीठ व थोडे पाणी टाकून, पीठ सैलसर करून घ्यावे.
  • तव्याला तेल लावून मग त्यावर डोसा घालावा. डोसा घालताना हलक्या हाताने पीठ पसरवावे.
  • झाकण ठेवून, डोसा दोन्ही बाजूनी सोनेरी रंगावर भाजून घ्यावा. व गरम गरम सांबार आणि चटणी सोबत खायला द्यावा.
  • ह्या प्रमाणामध्ये साधारणपणे ११-१२ डोसे होतील.