टोमॅटो पनीर राईस (Tomato Paneer Rice)

  • Post by Priyanka [ Follow me on Instagram ]
  • Jul 23, 2020
  • Share on Facebook Share on Twitter Share on WhatsApp
post-thumb
English
Marathi

टोमॅटो पनीर राईस

साहित्य:
  • २ वाट्या तांदूळ
  • ४ मध्यम आकाराचे पिकलेले टोमॅटो
  • २ मध्यम आकाराचे कांदे
  • १०० ग्रॅम पनीर
  • दीड टीस्पून आले लसूण पेस्ट
  • १ टीस्पून जिरे
  • २ इंच दालचिनीचा तुडका
  • ३ चमचे तेल
  • १ चमचा साजूक तूप
  • २ टीस्पून मीठ
  • १ टीस्पून सांबार मसाला
  • ३ सुक्या लाल मिरच्या
  • २ तमालपत्रे
  • अर्धा टीस्पून तिखट
  • पाव टीस्पून हळद
  • मूठभर कोथिंबीर
कृती:
  • तांदूळ निवडून स्वच्छ धुवून, १५ मिनिटे पाण्यात भिजत ठेवावे.
  • नंतर त्यामध्ये १ टीस्पून मीठ, जिरे, दालचिनीचे तुकडे, साजूक तूप व अडीच ग्लास पाणी घालून कूकरमध्ये मोकळा भात शिजवून घ्यावा.
  • भात शिजला कि गार होण्यासाठी उपसून ठेवावा.
  • भात शिजेपर्यंत टोमॅटो मिक्सरमधून फिरवून त्याची प्युरी करून घ्यावी.
  • पनीरचे चौकोनी तुकडे करून, पॅनमध्ये १ चमचा तेल घालून गुलाबीसर तळून घ्यावे.
  • मग एका कढईमध्ये २ चमचे तेल टाकून ते गरम झाले कि त्यामध्ये तमालपत्र, सुक्या मिरच्या व बारीक चिरलेला कांदा घालावा.
  • कांदा परतून गुलाबी झाला कि त्यामध्ये आले-लसूण पेस्ट, टोमॅटोची प्युरी, तिखट, हळद, मीठ, सांबार मसाला व तळलेले पनीरचे तुकडे घालावेत.
  • व झाकण ठेवून ५ मिनिटे शिजवावे.
  • नंतर त्यामध्ये शिजलेला भात घालून नीट मिसळून घ्यावा.
  • आणि झाकण ठेवून ३-४ वाफा काढाव्यात.
  • वरून बारीक चिरलेली कोथिंबीर घालून टोमॅटो पनीर राईस गरम गरम सर्व्ह करावा.