व्हॅनिला कपकेक (Vanilla Cupcake)

post-thumb

Recipe coming soon in English… Please watch this space.

व्हॅनिला कपकेक

साहित्य:
  • १ वाटी बारीक रवा
  • १/४ वाटी साखर
  • १/४ वाटी दही (जास्त आंबट नको)
  • ३/४ वाटी दूध
  • ४ थेंब व्हॅनिला इसेन्स
  • १ टीस्पून बेकिंग पावडर
  • १/२ टीस्पून बेकिंग सोडा
  • २ टीस्पून लिंबाचा रस
  • ३ चमचे रिफाईंड तेल
  • टूटीफ्रूटी
कृती:
  • रवा, दही, दूध आणि साखर घेऊन मिक्सरमध्ये ४५-५० सेकंद बारीक फिरवून घ्यावे.
  • हे मिश्रण १५-२० मिनिटे तसेच मिक्सरच्या भांड्यात मुरण्यासाठी ठेवावे.
  • तोपर्यंत कढईच्या तळाशी मीठ पसरवून घेऊन त्यावर एक ताटली ठेवावी. आणि कढई झाकण ठेवून गरम करायला ठेवावी.
  • ५ -६ वाट्या घेऊन त्याला आतून नीट तुपाचा हात फिरवून ठेवावा.
  • १५ मिनिटांनी मिक्सरमधील मिश्रणात व्हॅनिला इसेन्स, बेकिंग पावडर आणि बेकिंग सोडा पसरवून घालावे.
  • बेकिंग सोड्यावर लिंबाचा रस पसरवून टाकावा. तो छान फसफसतो.
  • मग वरून ३ चमचे तेल घालून, हे मिश्रण १० सेकंद मिक्सरमधून फिरवून घ्यावे.
  • सर्व मिश्रण नीट एकजीव झाले पाहिजे, परंतु जास्त वेळ मिक्सर फिरवू नये.
  • मग हे मिश्रण वाट्यांमध्ये (साधारणपणे अर्धी वाटी) ओतून, वरून थोडे थोडे टूटीफ्रूटी घालावे.
  • वाट्या तापत ठेवलेल्या कढईमध्ये ठेवाव्या आणि वरून घट्ट झाकण ठेवावे. गॅसची ज्योत मंद ठेवावी.
  • साधारणपणे ३०-३५ मिनिटामध्ये केक तयार होतील.
  • हे केक खूप हलके होतात आणि रव्याचे असल्यामुळे पौष्टीकसुद्धा आहेत.