व्हॅनिला स्पॉंज केक (Vanilla Sponge Cake)

post-thumb

Recipe coming soon in English… Please watch this space.

व्हॅनिला स्पॉंज केक

साहित्य:
  • सव्वा वाटी मैदा
  • पाऊण वाटी पिठी साखर
  • ३ चमचे रिफाईंड तेल
  • अर्धी वाटी गोड दही
  • अर्धी वाटी दूध
  • ४-५ थेंब व्हॅनिला इसेन्स
  • पाऊण टीस्पून बेकिंग पावडर
  • पाव टीस्पून बेकिंग सोडा
  • टूटीफ्रूटी (ऐच्छिक)
कृती:
  • एका वाटीमध्ये साधारणपणे मूठभर टूटीफ्रूटी घेऊन, त्यामध्ये १ टीस्पून मैदा टाकून नीट मिक्स करून ठेवावे.
  • कढई घेऊन त्याच्या तळाशी मिठाचा एक थर देऊन, ती एकदम मंद आचेवर गरम करत ठेवावी. कढईवर जड झाकण ठेवावे.
  • केकचे भांडे घेऊन त्याला आतून नीट तुपाचा हात लावून त्यावर मैदा भुरभुरावा आणि टिचक्या मारत नीट पसरवून घ्यावा.
  • एका पातेल्यामध्ये तेल व दही घेऊन नीट मिक्स करून घ्यावे.
  • मग त्यामध्ये पिठीसाखर घालून जोरजोरात फेटून घ्यावे.
  • मिश्रण थोडे घट्ट होऊ लागले कि त्यामध्ये दूध आणि व्हॅनिला इसेन्स घालून जोरात फेटावे. जितके जास्त फेटू तितका केक हलका होतो.
  • मग ह्या मिश्रणात मैदा, बेकिंग पावडर, बेकिंग सोडा चाळून घालावे. व हलक्या हाताने नीट फेटून घ्यावे.
  • नंतर टूटीफ्रूटी घालून परत हलक्या हाताने नीट फेटून घ्यावे.
  • मग हे मिश्रण केकच्या भांड्यामध्ये ओतून, ते भांडे कढईमध्ये ठेवून वरून जड झाकण ठेवावे.
  • मंद आचेवर साधारणपणे ५० मिनिटे केक बेक करावा.
  • हा एकदम साधा सोपा केक, घरात असलेल्या साहित्यामध्ये आपण तयार करू शकतो. आणि तरीही खूप हलका आणि चविष्ट होतो.
comments powered by Disqus
TAG