व्हेज बिर्याणी (Veg Biryani)

  • Post by Priyanka [ Follow me on Instagram ]
  • Mar 01, 2020
  • Share on Facebook Share on Twitter Share on WhatsApp
post-thumb
English
Marathi

व्हेज बिर्याणी

साहित्य:
  • २ वाट्या आख्खा बासमती तांदूळ
  • १ चमचा साजूक तूप
  • ३-४ लवंगा
  • ३-४ दालचिनीचे तुकडे
  • ३-४ वेलदोडे
  • २ चक्रीफुलं
  • १ टीस्पून जिरे
  • २ तमालपत्रं
  • १ वाटी फ्लॉवरचे तुरे
  • अर्धी वाटी मटारदाणे
  • पाव वाटी गाजराचे चौकोनी तुकडे
  • अर्धी वाटी दही
  • १ मोठा टोमॅटो बारीक चिरून
  • १ मोठा कांदा बारीक चिरून, १ मध्यम कांद्याच्या चकत्या
  • १ वाटी पनीरचे चौकोनी तुकडे
  • १ टीस्पून आले लसूण पेस्ट
  • १ टीस्पून तिखट
  • १ टीस्पून बिर्याणी मसाला
  • अर्धा टीस्पून हळद
  • २ टीस्पून मीठ
  • ३ चमचे तेल
  • अर्धी वाटी चिरलेला पुदिना
  • अर्धी वाटी चिरलेली कोथिंबीर
कृती:
  • तांदूळ धुवून अर्धा तास पाण्यात भिजत ठेवावे.
  • अर्ध्या तासाने त्यामध्ये १ टीस्पून मीठ, साजूक तूप, जिरे, दालचिनी, लवंग, तमालपत्र, चक्रीफूल, वेलदोडा घालून, व तांदूळ भिजेल इतकेच पाणी घालून कूकरमध्ये ३ शिट्ट्या करून अर्धा कच्चा भात शिजवून घेणे.
  • भाताबरोबरच दुसऱ्या एका भांड्यात पाणी न घालता फ्लॉवर, मटार, गाजर ह्या भाज्या सुद्धा वाफवून घ्याव्यात.
  • भात शिजला कि गार होण्यासाठी एका ताटामध्ये उपसून ठेवावा.
  • एका पॅन मध्ये एक चमचा तेल घालून त्यामध्ये उभा चिरलेला कांदा तांबूस परतून घेऊन बाजूला काढावा.
  • मग त्यातच पनीर गुलाबीसर परतून घेऊन बाजूला काढून ठेवावे.
  • एका कढईमध्ये २ चमचे तेल घेऊन त्यामध्ये आले लसूण पेस्ट २ मिनिटे परतून घ्यावी.
  • मग त्यामध्ये बारीक चिरलेला कांदा टाकून मऊ व गुलाबीसर परतून घ्यावा.
  • नंतर त्यामध्ये टोमॅटो टाकून झाकण ठेवून ४-५ मिनिटे शिजवावे.
  • टोमॅटोला पाणी सुटले कि त्यामध्ये १ टीस्पून मीठ, तिखट, हळद, बिर्याणी मसाला टाकून चांगले हलवून घ्यावे.
  • मग त्यामध्ये दही टाकून एकसारखे हलवत राहावे.
  • त्यामध्ये वाफवलेल्या भाज्या व पनीर चे थोडे तुकडे टाकून नीट हलवून घ्यावे.
  • त्यावर चिरलेली कोथिंबीर, पुदिना व तळलेला कांदा टाकावा.
  • मग शिजवलेला भात टाकून त्यावर पुन्हा तळलेला कांदा, कोथिंबीर व पुदिना टाकावा.
  • मग राहिलेले पनीरचे तुकडे टाकून त्यावर परत तळलेला कांदा, पुदिना व कोथिंबीर टाकावे.
  • नंतर त्यावर घट्ट बसेल असे झाकण ठेवून बिर्याणी १० मिनिटे शिजवावी. बिर्याणी शिजवताना हलवू नये.